GIRO D’ARIA

LA FONTANA DE MAR

Come disi el mio amico, el buon Etore: “certe robe, intime, va dite in triestin”. Se conta diverso se se conta in dialeto. Mejo sicuro. Quel che ve conterò xe intimo de la zità. La domanda per certe robe vien spontanea: un pupolo resta sempre pupolo o qualche volta pol diventar una roba de più de un semplice pupolo? A Trieste qualche volta co se tratta de vento e sai de più co xè Bora bisogna star tenti. Dunque el fato xe questo: xe un logo che tuti, chi che xe triestin intendo, sa che xe uno dei loghi dove che la Bora co la sufia la sufia de cagarse ma pochi sa perché: el canton del palazo del Loyd de navigazion. Po el xe diventà un dei palazi della Regione dopo che el Loyd xe andà “a carte 48”…